Homme qui se marie
Moult par fet grant folie
S'il n'est si estorez
Et de pain et de blez
Et de fuerre et de paille
Que nule rien n'i faille;
Tost en est assotez
Et de la gent blasmez.
Li prestres del moustier
Li demaine dangier;
Si voisin ensement
En parolent sovent.
Se de plege a mestier,
Nus ne li veut aidier,
Et se il n'a que prendre,
Tant a il mains a rendre,
Si le plege a envis
Li granz et li petis.
Et se il se corouce
Et sa fame regrouce.
Maudient l'assamblee;
Or sont a la meslee,
Si venist mieus, ce croi,
Que chascuns fust par soi.
Or vous vueil aconter
Con se doit estorer
Homme qui fame prent.
Sachiez tout vraiement
Qu'il li covient meson
Et bordel et buiron ; (christine)
En l'un mete son grain
Et en l'autre son fain,
Et en la tierce maingne,
Que riens ne li soufraingne;
Se li covient fouier
Et la busche el buchier
Et le bacon au feste,
S'en menjust a la feste.
Si n'envoit mie au vin,
Mes chascun jor matin
Envoit a la fontaine
Por une buire plaine;
De cele boive assez
Qu'il ne soit enyvrez;
Tost est d'avoir delivre
Homme qui trop s'enyvre.
Se li covient les feves
Et les chols et les reves
Aucun commentaire:
Enregistrer un commentaire